கள்ளாமை.

                         எள்ளாமை வேண்டுவானென்பான் எனைத்தொன்றுங் கள்ளாமைகாக்கதன் நெஞ்சு.

                           உள்ளத்தால் உள்ளலுந் தீதே பிறன்பொருளைக் கள்ளத்தால் கள்வே மெனல்.

                         களவினா லாகிய ஆக்கம் அளவிறந் தாவது போலக் கெடும்.

 

பொருள்::

கொள்ளயடித்துப் பொருள் குவிப்பதுஇ முதலில் பெரிதாகத் தோன்றினாலும்இ அந்தச் செயல் ஏற்கனவே இருந்த செல்வத்தையும் அடித்து கொண்டு போய்விடும்.

                       களவின்கண் கன்றிய காதல் விளைவின்கண் வீயா விழுமந் தரும்.

 

பொருள்::

களவு செய்வதில் ஒருவனுக்கு ஏற்படும் தணியாத தாகம்இ அதனால் உருவாகும் விளைவுகளால் தீராத துன்பத்தை உண்டாக்கும்.

                         அருள்கருதி அன்புடைய ராதல் பொருள்கருதிப் பொச்சாப்புப் பார்ப்பார்க ணில்.

 

பொருள்::

மறந்திருக்கும் நேரம் பார்த்துப் பிறர் பொருளைக் களவாட எண்ணுபவரிடத்தில்இ அருள் கருதி அன்பாக நடக்கும் பண்பு இருக்காது.

                      அளவின்கண் நின்றொழுக லாற்றார் களவின்கண் கன்றிய காத லவர்.

 

பொருள்::

ஓர் எல்லைக்குட்பட்டு வாழ்வைச் செம்மையாக அமைத்துக் கொள்ளாதவர்கள்இ களவு செய்து பிறர் பொருளைக் கொள்வதில் நாட்டமுடையவராவார்கள்.

              

களவென்னுங் காரறி வாண்மை அளவென்னும் ஆற்றல் புரிந்தார்க ணில்.

பொருள்::

அளவறிந்து வாழ்க்கை நடத்துகிற ஆற்றலுடையவர்களிடம்இ களவாடுதல் எனும் சூதுமதி கிடையாது.

                         அளவறிந்தார் நெஞ்சத் தறம்போல நிற்குங் களவறிந்தார் நெஞ்சில் கரவு.

 

பொருள்::

நேர்மையுள்ளவர் நெஞ்சம் அறவழியில் செல்லும்; கொள்ளையடிப்போர் நெஞ்சமோ குறுக்குவழியான வஞ்சக வழியில் செல்லும்.

                          அளவல்ல செய்தாங்கே வீவர் களவல்ல மற்றைய தேற்றா தவர்.

 

பொருள்::

அளவு என்பதைத் தவிர வேறு நல்வழிகளை நாடாதவர்கள்இ வரம்பு கடந்த செயல்களால் வாழ்விழந்து வீழ்வார்கள்.

                          கள்வார்க்குத் தள்ளும் உயிர்நிலை கள்ளார்க்குத்  தள்ளாது புத்தே ளுலகு.

 

பொருள்::

களவாடுபவர்க்கு உயிர் வாழ்வதேகூடத் தவறிப்போகும்; களவை நினைத்தும் பார்க்காதவர்க்கோஇ புகழுலக வாழ்க்கை தவறவே தவறாது.